Autorët

Gentjana Zeneli

Gentjana është diplomuar në Fakultetin e Drejtësisë, Universiteti i Tiranës, dhe mban licencën e avokatit që prej vitit 2017. Me më shumë se 10 vjet përvojë në shoqërinë civile, ajo ka punuar si avokate, koordinatore projektesh, monitoruese e institucioneve penitenciare dhe trajnere në projekte të ndryshme të financuara nga organizata ndërkombëtare. Eksperienca e saj është fokusuar në mbrojtjen e të drejtave të grupeve të margjinalizuara, veçanërisht të të miturve, grave dhe vajzave, minoriteteve, si dhe personave me aftësi të kufizuara. Aktualisht, ajo është e angazhuar si specialiste për ngritjen e kapaciteteve në programin Akses në Drejtësi pranë Terre des Hommes, Shqipëri, i cili ka në fokus mbrojtjen e të drejtave të fëmijëve dhe të rinjve. Projekti në të cilin ajo është e angazhuar synon të trajnojë institucionet që ofrojnë shërbime për fëmijët dhe të rinjtë, si dhe ata në konflikt me ligjin. Po ashtu, ajo trajnon të rinjtë në fusha të ndryshme si edukimi ligjor, çështjet gjinore, advokimin/lobimin dhe rritjen e njohurive të tyre mbi instrumentet dhe mekanizmat që kanë në dispozicion për të mbrojtur të drejtat e tyre.

Evis Fico

Evis Fico është diplomuar në Drejtësi nga Universiteti Kombëtar dhe Kapodistrian i Athinës, Greqi ku është mbajtëse e titullit Master në Shkenca Politike “Studime të Europës Juglindore”, një program i Paktit të Stablitetit. Portofoli i saj profesional mban një eksperiencë të gjatë prej 15 vitesh në administratën publike kryesisht në fushat e marrëdhënieve të punës, migracionit, të drejtave të njeriut dhe pakicave kombëtare, etj. Fico ka spikatur si eksperte/konsulente juridike në fushat e migracionit, punësimit, të drejtave të njeriut, të drejtave sociale dhe të tjera, jo vetëm në nivel ekzekutiv të zbatimit të politikave por edhe në atë të hartimit të tyre, si propozuese dhe bashkëhartuese e një sërë ndryshimesh në legjislacion dhe hartimin e strategjive, analizave të politikave dhe advokimit të tyre. Në eksperiencat e saj renditet edhe puna si hulumtuese, pedagoge e jashtme në Fakultetin e Drejtësisë në Universitetin Publik të Tiranës, si dhe konsulente projektesh. Gjithashtu, Fico mban titullin Avokat nga Dhoma Kombëtare e Avokatisë prej vitit 2007.
Kontributet e saj në RJSH (Bashkimi Europian dhe Integrimi, 2024): Lufta kundër informalitetit - Nevoja për një strategji ndërsektorale dhe ngritja e strukturave të përshtatshme me fokus informalitetin në tregun e punës, Evis Fico

Marsida Grami

Marsida Grami ka mbaruar studimet Bachelor dhe Master për Marrëdhënie Ndërkombëtare dhe Diplomaci me rezultate të shkëlqyera në Fakultetin e Shkencave Politike në Periugia, Itali. Në vitin 2021 ajo mbylli Doktoraturën në Institutin eStudimeve Europiane duke mbrojtur tezën “Garancitë legjislative dhe politikat mbrojtësendaj të miturve të dënuar në Shqipëri. Profile krahasuese me Shtete të BE-së”. Në vitin 2014 ajo u emërua si Shefe e Sektorit të Projekteve IPA në Ministrinë e Turizmit dhe Zhvillimit Urban, më pas në vitin 2017 u emërua në po të njëjtin pozicion në Ministrinë e Drejtësisë, dhe së fundmi në vitin 2021 u emërua Shefe e Sektorit të Drejtorinë e Integrimit dhe Negociatave. Gjatë këtij viti Marsida ka mbuluar çështjet më të rëndësishme që lidhen me Kapitullin 23 “Gjyqësori dhe të Drejtat Themelore” dhe Kriterin Politik. Ajo ka punuar dokumenta tejet të rëndësishme si prezantimet e shtetit Shqiptar për Komisionin Europian, përgatitja e Udhërrëfyesit për Shtetin e së Drejtës dhe për Funksionimin e Institucioneve Demokratike dhe përgatitja e Pozicionit Negociues të shtetit Shqiptar për kapitujt përkatës. Marsida ka qenë pjesë e grupeve negociuese që kanë përfaqësuar vendin përpara Komisionit Europian në takimet bilaterale Shqipëri-BE zhvilluar në nëntor 2022 dhe janar 2023

Kontributet e saj për ALJ (Të Drejtat e Njeriut, 2024): Nevoja për themelimin e një Institucioni Mjekësor të specializuar për të dënuarit me probleme shëndetësore në Shqipëri, Doc. Marsida Grami dhe MSc. Anxhela Kenaj

Nosiana Burnazi

Nosiana Burnazi ka kryer studimet pranë Fakultetit të Drejtësisë, Universiteti i Tiranës. Ajo është e angazhuar pranë organizatës “Vish këpucët e mia” si koordinatore projektesh. Gjithashtu, Nosiana punon si asistente ligjore pranë zyrës A.R.S Legal & Financial Services.

Kontributet e saj në RJSH: (Legjislacioni Shqiptar, 2024): Ndihma Juridike Dytësore nën Hijen e Hartës së Re Gjyqësore - Rina Saliaj, Nosiana Burnazi

 

 

Partnere e sponsore