Autorët

Lorenc Gordani

Lorenc Gordani, Shef i Departamentit të Drejtësisë në Fakultetin e Biznesit dhe Drejtësisë në Tirana Business University College (TBU), është një ekspert me përvojë në politikat, kornizat ligjore, çështjet rregullatore dhe infrastrukturën energjetike në Shqipëri. Me studime të avancuara në drejtësi dhe politikat publike, duke përfshirë Laurea Magistrale (Università degli Studi di Torino) dhe PhD në të Drejtën Publike (Università degli Studi di Pavia), si dhe arsimim pasuniversitar në disa qendra europiane (p.sh., European College of Parma, Université de Nantes, Leuphana Universität Lüneburg), karriera e tij përfshin mbi 20 vite lektorim akademik, konsulencë strategjike dhe ndërtim kapacitetesh institucionale. Veprimtaria e tij përqendrohet në zbatimin e kornizave ligjore të BE-së në Shqipëri dhe hartimin e politikave publike, me kontribute të rëndësishme në zhvillimin e qëndrueshëm, një bibliografi të gjerë, analiza në media dhe pjesëmarrje në konferenca ndërkombëtare.

Gentiana Kapllani

E diplomuar në programin Bachelor në Drejtësi nga Universiteti i Tiranës dhe LL.M. nga Universiteti i Nju Jorkut në Tiranë, Gentiana Kapllani ka një eksperiencë të gjerë   në shkrime ligjore, kërkime shkencore, teknologji ligjore, startup-e, sipërmarrje, marketing dhe marrëdhënie me publikun. Aktualisht ajo shërben si Koordinatore e Zyrës për projektin CleanScore në Fondacionin Shqiptaro-Amerikan për Zhvillim, dhe po ashtu është përgjegjëse për zbatimin e projektit në Universitetin Politeknik të Tiranës. Ajo ka përvojë të gjatë në pjesëmarrje aktive në organizata të ndryshme dhe aktivitete kërkimore.

Kontributet e saj për ALJ: Balanca ndërmjet të drejtës për informim dhe të drejtës për privatësi në vendimet gjyqësore: Çështja e Shqipërisë - Hysmir Idrizi dhe Gentiana Kapllani

Rina Saliaj

Rina (Pero) SALIAJ është avokate dhe një juriste me përvojë të gjërë në fushën e ligjit dhe financave. Ajo ka një eksperiencë të gjatë si drejtore e A.R. S Legal & Financial Services, si dhe ka kontribuar dhe është përfshirë në projekte të ndryshme të shoqërisë civile dhe të biznesit në fusha si pronësia intelektuale, të drejtat e punës, dhe procedurat gjyqësore.

Kontributet e saj në RJSH: (Legjislacioni Shqiptar, 2024): Ndihma Juridike Dytësore nën Hijen e Hartës së Re Gjyqësore - Rina Saliaj, Nosiana Burnazi

Arbesa Kurti

Arbesa Kurti është një eksperte ligjore shqiptare dhe bashkëthemeluese e ALTERUM, ku ajo shërben si Zëvendës Drejtore Ekzekutive dhe Eksperte Ligjore që nga viti 2019. Me një përvojë të gjerë si avokate që nga viti 2014, ajo ofron konsultime ligjore, përgatit dokumentacion gjyqësor dhe përfaqëson klientët në çështje të së drejtës civile, administrative dhe familjare para niveleve të ndryshme të sistemit gjyqësor shqiptar. Ajo është gjithashtu anëtare e bordit të Qendrës për Fuqizimin Ligjor dhe ka punuar si pedagoge e jashtme në Fakultetin e Drejtësisë, Universiteti i Tiranës. Arbesa ka një diplomë Master në Drejtësi Penale nga Universiteti i Tiranës, ku u diplomua me medalje të artë. Ajo gjithashtu ka autorësuar dhe bashkëautorësuar disa studime ligjore dhe artikuj akademikë.

Kontributet e saj në RJSH (Çështje Praktike & Administrative, 2024): Efektiviteti i aplikimit të veprave penale të abuzimit me buxhetin e shtetit në raport me dëmin që shkaktohet 

 

 

Partnere e sponsore