Zhani Shapo

Z. Zhani Shapo është një jurist me një përvojë mbi 18 vjeçare në fushën e hartimit të legjislacionit, të së drejtës administrative dhe reformave të administratës publike (duke përfshirë shërbimin civil, organizimin, funksionimin dhe procedurat administrative). Ai ka një diplomë universitare në Fakultetin e Drejtësisë, një tjetër në Fakultetin e Ekonomisë dhe një Master në Studime Europiane. Që nga fillimi i karrierës së tij zoti Shapo pati një rol të rëndësishëm në reformimin e Administratës Publike Shqiptare. Ai punoi në reformimin e Shërbimit Civil gjatw viteve 1998-2003. Së pari ai ishte i angazhuar në reformimin e Administratës Publike Shqiptare, në njësinë e zhvillimit të politikave në Departamentin e Administratës Publike (DAP). Më pas ai ka punuar në zyrën e Kryeministrit, duke u fokusuar në reformat e shërbimit civil, në reformat institucionale/organizative dhe në reformat e qeverisjes vendore. Me tej puna e tij lidhej drejtpërdrejt me Ministrin e Shtetit, duke u përqendruar në koordinimin e qeverisë, përmirësimin e politikëbërjes dhe anti-korrupsionin . Gjatë viteve 2003-2005 z. Shapo ishte shefi i Departamentit të Administratës Publike, me rol udhëheqës në shërbimin civil dhe reformat e përgjithshme të administratës publike.
Që nga largimi nga shërbimi civil, ai punon si këshilltar i pavarur për organizata të rëndësishme, kryesisht në Shqipëri dhe Kosovë si OECD/SIGMA, Banka Botërore, Komisioni Europian, GIZ dhe USAID, duke u fokusuar në fushën e së drejtës administrative, shërbimit civil dhe përmirësimit të shërbimeve publike. Z. Shapo është autor i shumë pjesëve të rëndësishme të legjislacionit: legjislacioni shqiptar i shërbimit civil (Ligji i Shërbimit Civil dhe dispozitat e tij zbatuese); Ligjin për organizimin dhe funksionimin e administratës shtetërore; ka kontribuar edhe  në kuadrin ligjor administrativ shqiptar, duke përfshirë  Ligjin për Organizimin dhe Funksionimin e Gjykatave Administrative dhe gjykimin e mosmarrëveshjeve administrative; dhe wshtw një nga kontribuesit kryesorë në hartimin e Ligjit për Procedurat Administrative në Kosovë. Z. Shapo është gjithashtu kontribuesi kryesor i reformave administrative/rregullatore në Shqipëri, duke përfshirë reformat e regjistrimit të biznesit, reformat e licencave, lejeve dhe sistemit të autorizimeve dhe reformat e sistemit të inspektimit në Shqipëri
Z. Shapo është gjithashtu një lektor i së Drejtës Administrative. Gjatë karrierës së tij ai ka zhvilluar qindra kurrikula/module trajnimi dhe ka trajnuar mijëra nëpunës civilë në fushën e menaxhimit të shërbimit civil dhe të drejtës administrative.